آخرین مطالب
امکانات وب
بایرام گلیر مبارک
گنه جانوی یاغلا بایرام گلیر
دویوب باشوه اغلا بایرام گلیر
بو یاندان مینوب باشه ارواد اوشاخ
اویاندان هجوم ایلیوبدور قوناخ
نظر ایله الله سلامت سو واخ
تار اولموش گوزومده گون اخشام گلیر
دویوب باشوه اغلا بایرام گلیر
دونوبدور وطن کهنه ویرانیه
بلالر یاغیر باشه هر ثانیه
چکیر نقشه دولتده یارانیه
الف قامتیم ذهنیمه لام گلیر
دویوب باشوه اغلا بایرام گلیر
شمالیله شرقی اوتوردوبدی قار
جنوبی ایاخدان سالیبدور غبار
اویاتما یاتیبدور هله ابتکار
کفی سازدی مفته ناهار شام گلیر
دویوب باشوه اغلا بایرام گلیر
ایشون یوخدی گیر یات ایشی نیلوسن
یازیخ میوه نی کشمشی نیلوسن
چیه شکر ایله پیشمشی نیلوسن
گمان فکروه پسته بادام گلیر؟
دویوب باشوه اغلا بایرام گلیر
ییور هر زادین ایندی ارباب قولون
چوخی ایشلیوبدور الانمور پولون
قناعتله خشله ساتیلسا چولون
هله بسدی دای اغزوا تام گلیر
دویوب باشوه اغلا بایرام گلیر
جانین کی دمیردندی دای ئولموسن
نیه آی یازیخ قدروی بیلمیسن
گلیب غیرته اشگوی سیلمیسن
چکیرسن باشا زهری جام جام گلیر
دویوب باشوه اغلا بایرام گلیر
هله شکر ایله واردی پیس گونلرین
اگر ظاهره سالسا لار کینلرین
گوررسن ساتیبدور چوخی دینلرین
بولار قورد اولوب ظاهره رام گلیر
دویوب باشوه اغلا بایرام گلیر
نجور ایستیوبلر اوجور یات کیشی
اولار اوینادیر سنده اوینات کیشی
اگر قالسا ایمانین ال سات کیشی
دایانما قاباخدا چوخ الام گلیر
دویوب باشوه اغلا بایرام گلیر
بیندن گیدوب ایندی مردانگی
کیشیلر اولوب کفتر خانگی
یخوبدور یره عقلی دیوانگی
عاغیللی اداملاردا دای خام گلیر
دویوب باشوه اغلا بایرام گلیر
هامی ایندی تسلیم اولوب اروادا
کشیلیک مقامین ویریبدور بادا
ساتیب غیرتی چوخلاری هیچ زادا
جوان حجله دن بلکه نا کام گلیر
دویوب باشوه اغلا بایرام گلیر
کیشی ازدی خلقین دوشوبدور تاجی
اولوبدور ار ارواد دا قارداش باجی
نجفلو سوزون لاپ اولور دای اجی
چاشیبسان اودور استوه دام گلیر
دویوب باشوه اغلا بایرام گلیر
پورتال بروز میکائیل عقربی ...
ما را در سایت پورتال بروز میکائیل عقربی دنبال میکنید
برچسب:
نویسنده:
بازدید: 170